HASIERA EKITALDIA

Mintzalaguna berriro martxan dago eta ikasturtea ondo hasi dugula ospatzeko,azaroaren 4an, hasiera ekitaldia egingo dugu. Zarauzko Etxezabalan izango da ( Udaletxeak kale Nagusian duen eraikinean, 1.go solairuan), arratsaldeko 7etan. Bertara hurbiltzen garenok "diapositiba emanaldia ikusteko aukera izango dugu, Joxe Ramon Agirre 'Marron'en eskutik.
Ataundarra Nepalgo Dolpo eskualdean izan zen duela hainbat hilabete eta hango herritarrak eta haien bizimodua erakutsiko ditu ikusentzunezko emanaldiaren bidez. Ondoren mokadutxoa.
Animatu zaitez!

Aurtengo spota

Hemen daukazue aurtengo spota.
Bideoan azaltzen diren pertsonek "euskara atsegin dute".
Begiratu, begiratu... ea norbait ezaguna ikusten duzuen!

MINTZALAGUN BERRIZ MARTXAN!!!

Ikasturte berriarekin batera, Mintzalagun berriz martxan jarri dugu " euskara atsegin dut!" lelopean.

Jakingo duzuen bezala, Mintzalagun ekimenak euskaraz dakiten pertsonak euskara ikasten ari direnekin elkartzen ditu astean ordubetez euskaraz hitz egin dezaten. Iaz 80 bat parte hartzaile izan genituen Urola Kosta osoan eta aurten ere kopuru horri eutsi eta, ahal bada, handitu egin nahi genuke.

Helburu hori lortzeko zuen laguntza ezinbestekoa da, euskaldun berri zein euskaldun zaharrena.

- Euskaldun berriak: euskara ikasten ari bazara eta mintzamena landu nahi baduzu, jendea ezagutu, bertako euskaldunen euskara ikasi... Eman izena!

- Euskaldun zaharrak: euskaldun berriei lagundu nahi badiezu, jendea ezagutu, euskara ikasi duen jendearen ahalegina saritu...eman izena!

- Izen-ematea: noiz eta non

Izena emateko epea irailaren 19tik urriaren 7ra izango da.

Izena emateko 4 bide dituzu:

• Urola Kostako AEK euskaltegietan eta Zarauzko Udal Euskaltegian.

• Telefonoz: 943 13 01 75

• Emailez: urolakosta@aek.org

• Ikastetxeetako idazkaritzan.

Amaiera festa

Ikasturtea amaitzear da eta urtero bezala, aurten ere, amaiera festa ospatuko dugu.

Ekitaldia ekainaren 17an izango da, Antoniano aretoan, arratsaldeko 19etan. Bertan, Asiko Urmenetaren antzelana ikusteko aukera izango dugu; "Como aprender euskera en 40años y un día facilmente". Izenburua erdaraz izan arren, antzerkia euskaraz izango da!!!

Ondoren mokadutxoa hartzeko aukera izango dugu, giroa bikaina izango da, beraz, animatu!!!!!

Mintzakideak eta gainerako herritarrak gonbidatuta zaudete, sarrera dohain izango da