Ondo bukatu eta hobeto hasi!!!

Errege-opila egiten Andoainen

Pasa den ostegunean, abenduak 10, errege-opila egiten ikasi genuen.

Celia Parrak, Gurasolaguna eta ikasle ohiak, erakutsi zigun orea egiteko sekretua. Eta oso gustura ibili ginen.

Goxoa benetan!!

Argazkiak ikusteko hemen

Azkoitian egitarau oparoa Euskararen Nazioarte Eguna ospatzeko

Goizean hasi eta iluntzera arte ez da festarik faltako Azkoitian!!!

• 11:30: suziria udaletxeko balkoitik

Ondoren, ikastetxeetako ikasleen kalejira herriko plazara

• 12:00: Herriko enparantzan herriko ikastetxeen agerraldia

Egunerako sortutako manifestua irakurtzea eta “behin betiko” abestia eta Xabier Euskitzeren bertsoa abestea

• 18:15: herriko plazan arratsaldeko ekitaldia:
  • Herriko emakumeek osatutako batukada taldea
  • Xabier Munibe, Floreaga eta Musika Eskolako dantza taldeen ekitaldia
  • Manifestua irakurtzea
  • Bertso eskolakoak
• 19:00etatik aurrera herriko tabernetan pintxo potea eta euskal kantak
  
  
   Gu han izango gara!!! Eta zu?

Euskararen Nazioarteko Eguna

Bihar, abenduak 3 dela eta hementxe Zarauzko mintzalagun den Inaxio "Isasti"k  eginiko bertsoak!!!!
Gozatu!!!!

Doinua: “HABANERA” (X.LETE)

1-

Noiz eta non sortu zinen

eztabaidatu da sarri

Iritzi anitzak dira

Nunbait ezin ados jarri!!!

Baina azken mendeetan

zu izan zara giltzarri

eta gure herri honen

izakeraren oinarri

Tartean jaso dituzu

majina eraso larri

Agintariek dizute

hainbat oztopo ezarri

Herritarraren babesa

izan da baliagarri

Elkar lanaren emaitzez

bihurtuz bideragarri

-2-

Zure bidaian partaide

betidanikoak, hara!!!

itsatsiak egon dira

beren lurraldeetara

bakoitzaren nortasuna

landuaz beren erara

osagarri bihurtuaz

zure mezedeetara

Adibide bezala hau

biziki ezaguna da

abesti baten bitartez

gare,gera,gire,gara!!!

Une batean sortuaz

irria eta algara

Baina funtsez osatuaz

geurea dugun euskara

 

-3-

Bide horretan izan zen

une bat seinalatua

Euskaltzaindiak hain zuzen

egin zuen apostua

Zu oinarritzat harturik

atera zuen kontua

ondorenari begira

egin behar zen tratua

Eztabaida sortu zuen

Gaia da delikatua!!!

Egitasmoa izan zen

Arantzazun aurkeztua

ta gehiengo partaideak

bidebatez onartua

Horra ba nola sortu zen

gure euskara batua

 

-4-

Azken berrogei urteetan

aldaketa etorri da

zehazki hego mendebal

aldeko aro berrira

Autonomia sortu zen

agintarien neurrira

eta horren ondorioz

urrats bat eman zen, tira!!!

Ordutik ofizial zara

aurkeztuz gure herrira

edo hobeto esanda

zati batera,erdira?

Udal,aldundi,gobernu

  eta hezkuntza guztira

Baina emaitzak oraindik

erdipurdikoak dira

 

-5-

Emaitza nik aipatzean

sentitzen dut erremina

Hobea espero nuen

zalantzik gabe, jakina!!!

Oraingo gazte gehienak

hogei,berrogei adina?

alfabetatuak dira

beraz nola imajina

kalean erabilera

izango zela arina

hedabide ta zinemak

ote dute eragina?

Berreskuratu ditzagun

gure jite eta grina

Lehenengo hitza euskaraz!!!

horixe da ahalegina

 

-6-

Bide batez sortu ziren

zuretzako euzkarriak

helduak alfabetatze

lanetarako jarriak

IKA,AEK lehenengo

herritarrek ezarriak

eta ofiziala HABE

Hoiek ziren iturriak

Milaka lagunek tinko

Zinez eredugarriak!!!

Bertan jaioak edo ta

kanpotikan etorriak

lanorduez at jorratuz

hizkuntzaren oinarriak

Gora ba ama euskara

eta euskaldun berriak

Urola Kostako Mintzalagun martxan

Azaroaren 5ean, Urola Kostako Mintzalagunaren aurkezpena egin genuen Zarautzen.

Bertan 40 bat lagunek elkartu ginen Miriam Mendozaren kontakizuna entzuteko. Miriamek bertako istorioak kontatu zizkigun: Euskal mitologiaz, ekiloreaz, Zarauzko Narros gela urdinarena... Oso gustura egon ginen hori guztia entzuten. Ondoren pintxoak dastatzeko aukera ere izan genuen.

2015-2016 ikasturte honetan 95 bat lagunek eman dute izena egitasmoan parte hartzeko. Iazko talde guztiak dagoeneko aktibatuta daude; talde berriak, berriz, hilabete honetan sortu eta martxan jartzen ari gara. Halere, hau da ikasturte honetan aurreikusten dugun talde kopurua: 5 talde Zumaian, 2 Getarian, 14 Zarautzen eta Orion 3; guztira 25 bat talde.

Zuk ere kide izan nahi baduzu, badakizu!!!

Azkoitiko Mintzalagun martxan!

Lotsarik gabe praktikatu genuen atzo, azaroak 5, Mintzalaguneko aurkezpenean. Aurten 5 kide berri izango ditugu egitasmoan eta hauei ongietorria egin eta zalantzak argitu ondoren, pintxo-potera abiatu ginen. Esan bezala, giro ederrean eta lagun giro dotorean gozatu genuen.

Oraindik gogoz bazaude, izan mintzalagun!!!

Azkoitiko mintzalagun talde bat Hitzarekin elkartu da!

Hementxe duzue gure azkoitiar koadrilak Hitzari kontatu diona!!!!

http://urolakosta.hitza.eus/2015/10/29/mahaiaren-inguruan-euskaraz-mintzalagunekin/

Eskerrik asko!!! Aupa zuek!!!

Astigarragako mintzalagun hastera doa!!!

Urriaren 28an aurkezpen bilera izango da, euskaltegiko lokal berrian arratsaldeko 19:30ean. Bertan iazko mintzalagunak eta aurten gurera animatu direnak elkartuko gara eta egitasmoaren aurkezpenaren ondoren taldeak osatuko dira.

Animatu zu ere!!!

Andoiango 1go mintzodromoa

Urriaren 3an bertan ospatu zen Andoaingo 1go mintzodromo arrakastatsua.

32 lagun elkartu ziren bertan, honako gai hauen inguruan eztabaidatu edota hitz-aspertu baten aitzakian ordubetez euskaraz hitz egiteko:

1go gaia: Andoain: bi herri?
2. gaia: euskararen erabilera
3. gaia: herri bizia?

Andoaingo mintzalagun dinamizatzailearen elkarrizketa entzuteko aukera hementxe: https://www.youtube.com/watch?v=rHh78E03NgQ


Eskerrik asko bertara gerturatu eta parte hartu zenuten guztioi.

Mintzalagun egitasmoak martxan

Ikasturtea hastearekin batera hemen gara mintzalagunak berriro martxan. Beraz, iadanik taldea baduzu, badakizu: jarraitu aurrera!!

Ez dakizula zer den mintzalagun, badakizula eta izen eman nahi duzula, iaz ezinezkoa izan zitzaizula gurekin euskara praktikatzea....badakizu: #lotsarik gabe praktikatu gurekin.

Eskatu informazioa hemen:

- Astigarraga eta Urnieta herrietarako: 

 Telefonoa: 607 610 687
 Bulegoa: Astigarragako AEK

- Urola Kostako herrietarako:

  Telefonoa edo whatsApp: 625 485 215
  E-mail : urolakosta@aek.org
  Bulegoak: Urola Kostako AEK-o euskaltegietan, Zarauzko Udal Euskaltegian eta herrietako Udaleko Euskara Zerbitzuetan ere eman daiteke izena

- Andoainen:

  Telefonoa: 943 591 704

  Bulegoa: Andoaingo AEK euskaltegian

  E-maila: andoain@aek.org

- Usurbilen:

  Telefonoa: 943 372 001
  Bulegoa: Usurbil Etumeta AEK euskaltegia
  E-maila: usurbil@aek.org

- Azkoitian:

  Telefonoa: 943 151 089 / 943 857 1705

  E-maila: azkoitia@aek.org / euskara@azkoitia.eus

  Bulegoak: Azkoitiko AEK euskaltegia eta Udaleko Euskara Zerbitzuan

Kantu-pintxo-pote borobila Azkoitian!!!

Ikasturtea kantuan amaitu genuen.

Ekainaren 18an, ikasturteari amaiera ezin hobea eman genion AEK-ko ikasle, mintzalagun eta irakasleok. Zazpietan elkartu eta kantu-pintxo-potean ibili ginen. Iraurgi Abesbatzako kideen laguntzaz herria alaitu ondoren, eguna borobiltzeko, Orbelan bapo afaldu genuen.

Eskerrik asko Iraugi Abesbatzako lagunei eta hurbildu zineten guztioi!

Ondo pasa oporrak eta datorren ikasturtera arte!!!!

Magia saio bikaina Urola Kostan!!!!

 Ikasturtea umorez eta harrituta bukatu dute gure kostako lagunek!!!!

Jarraitu horrela, irribarrez, eta datorren ikasturtera arte!!!

Mintza kantu poteoa Andoainen!!!

Ostegunean mintza kantu poteoa izango da Andoainen.18:30ean Zumea Plazan elkartuko gara eta lau taberna igaroko ditugu, bakoitzean abesti bat kantatuz. Zein taberna izango diren? Hementxe kartela!!!

 

 Diploma banaketa eta zozketa ere izango dira.

Amaiera festa Zumaian!!!

Urola Kostako Mintzalagunak AEK-ko ikasleekin batera Urola trena bisitatzen.

Larunbatean, ekainak 13, eguraldia lagun izan ez bagenuen ere, han izan ginen Urolako trenean. Garai bateko kontuak gogoratzeko aukera izan zen eta ondoren museo interesgarria ikusteko tartea. Nola ez, ondoren bazkari eder batekin amaitu genuen.

Munoandira bisita

Maiatzaren 29an Munoandi herri harresitua ikustera joan ginen. Antxoka Martinez arkeologoa izan genuen lagun, Burdin Aroko herrixka honen ezaugarriak ezagutu eta ulertzeko.

Azalpen interesgarriak izan ziren, gure arbasoen bizia ulertzeko: zergatik aukeratzen zituzten leku hauek herrixkak egiteko, harresiak zer funtzio zuen, bertan aurkitutako hainbat objekturen zergatiak...

Ibilalditxo polita eginez iritsi ginen eta bidean ere ez zen berriketarik falta izan.

Eskerrik asko Antxokari aldez aurretiko jarrerarengatik eta euskaraz hain azalpen bikainak emateagatik!!!!

Udan ere mintzalagun martxan!!

Azpeitiko Tren museora bisitan

Urola Kostako mintzalagunak eta AEK-ko ikasleak ekainaren 13an Azpeitiko tren museora joango da. Bertan museoa ikusi ondoren, aspaldiko Urola tren zaharrean Lasaora joango gara eta ondoren bazkari eder batekin amaituko dugu!!!

Joskintza tailerra Andoainen

Andoaingo Mintzalagunei eta Gurasolagunei zuzenduriko ikastaroa izan zen. 

Mintzalaguna den Fatima Cañok erakutsi zigun diru-zorro originalak egiten. 

Honela, arratsaldeko 17:30ean 20 laguneko taldea bildu ginen Urigainen. 

Eta bi orduko iraupena izan zuen tailerrean diru-zorroak eskuz egiten ikasi genuen.

Primerako giroa izateaz gain, euskara klasetik kanpo edota erabiltzen ez dutenentzat erabiltzeko

aitzakia aparta izan zen.

Mila esker bertaratu zirenei eta nola ez Fatima Cañori.

Egun pasa ederra egin genuen Aizpurutxora

Maiatzaren 9an goizeko 11:00etan Kontzejupen elkartu ginen eta hor hasi zen gure ibilalditxoa Aizpurutxora. Giro ezin hobea izan genuen lagun eta kontu-kontari patxada ederrean Aizpurutxora iritsi ginen.

 Behin han, bazkari goxoaz gozatzeko parada izan genuen eta mahai inguruan ez zen hizketa gairik falta izan.

 Kafetxoa hartu ondoren, berriro tipi-tapa Azkoitira iritsi ginen.

Euskahaldunok larunbatean Anaitasunan egongo gara

19. Korrikaren bukaeran, Lorea Agirreren mezuak zioen bezala, euskara plazara ekarri nahi dugu euskahaldunok. Izan eta ekin Euskal Herria euskaldundu arte! Hori dela eta, larunbatean Kontseiluak Anaitasuna kiroldegian, 18:30ean, euskaraz bizitzearen alde burutuko duen ekitaldian parte hartzeko gonbita egin nahi dizuegu.

Eguna girotzeko bestelako ekintzak antolatu dira: bertso bazkaria eta mendi buelta Ezkabatik.

 Hemen bideoa giroa animatzen joateko!!!

AIZU! aldizkarian berriketan

Mintzapraktika programak protagonista AIZU! aldizkarian. Jakin nahi duzu zer dioten Lurdes Alboniga bidelariak, Bego Cid bidelagunak eta Edorta Lopez mintzapraktika egitasmoen koordinatzaileak?

http://www.aizu.eus/index.php?option=com_content&view=article&id=649:bidelariak-eta-bidelagunak-adiskide&catid=29&Itemid=0

Indarrak hartzeko prest....

Hementxe Gipuzkoatik KORRIKA 19 pasa ondoren...ezin errekuperatuta!!! Beraz, indarrak errekuperatzeko aprobetxatuko ditugu bi aste hauek!!!


 Jarrai dezugun denok KORRIKArekin Bilboraino eta beti euskaraz!!!!

Azkoitiko herria aurten ere KORRIKArenkin bat!!!!

Zoragarria!!! Ez dago hitzik larinbatean bizi izandakoa azaltzeko!!!

Eskerrik asko benetan Azkoitiko herriari!!!!

Jarrai dezugun herritik herrigintzan!!!!

IKUSI!!!!!!!


https://www.youtube.com/watch?v=CJMhm0bP5tQ&feature=youtu.be

Azkoititik Aizpurutxora ibilalditxoa

Larunbatean, otsailak 28, goizeko 11:00etan Kontzejupen elkartuko gara eta Aizpurutxora abiatuko gara tipi-tapa bidegorrian.  Behin bertara iritsitakoan, Itziar jatetxean bapo bazkaldu ondoren herrira itzuliko gara.

Badakizue, astindu mingainak eta ipurdiak!!!

19. KORRIKA eta mintzalgun eskutik helduta Astigarragan

19. KORRIKA badatorrela eta hementxe martxoaren 6an Astigarran izango den jaialdia:

 17:00etan haur-jolasak.
 18:00etan Mintzodromoa. Eskualde guztiko mintzalagunak eta gurasolagunak egongo dira gonbidatuak (Astigarraga, Urnieta, Hernani, Andoain, Lasarte eta Usurbil).
 19:00etan talo eta sagardo postua irekiko da.
 19:30etatik aurrera kontzertua.

Beraz, hortxe plan ederra!!!

Astigarragan gozo-gozo!!!

Ostiral arratsalde bikaina pasa zuten astigarragatarrek brownie eta gaileta artean. 20 lagun elkartu ziren Zipotza elkartean eta giro ederrean gozogintzaz zerbait gehiagoikasteko aukera paregabea izan zuten.

II. Topaketa umoretsua!!!!

Zer gertatu zen jakin nahi? Bada kantatu bertsoak eta enteratuko zara:

-1-

Mintzalagun taldeen

bigarren bilkura

jarraituz ohitura

burutu berri dugu

gehienan gustura

Itsasmendin hurbilduz

zitako puntura

jeneroz betetako

mahaian ingurura

Aitortu beharra dut

Ederra itxura!!! (bis)

-2-

Hogei bat lagun ginan

joanak bertara

Eukenen zitara

Asmatu genduela

argi dago, hara!!!

Jan edanan laguntzaz

animatzen gara

Topikoa dirudi

baina horrela da

Solasaldi anitza

barre ta algara (bis)

-3-

Ondoren etorri zen

abestien tanda

abotsen eztanda!!!

Orriak genituen

Eukenek emanda

Benito eta Gorka

Oskorriren banda

eta beste hainbeste

etengabe txanda

Nolabait esateko

Ze mintzaparranda!!!(bis)

-4-
Bertsolaria berriz

zen Rosi Lazkano

alai eta sano!!!

Jaiotz herri du Aia

auzoa Elkano

Orion bizi denez

erdi ijitano

Bertso saio polita

ta egokia,no?

Oraingoan zuka ta

hurrena hitano? (bis)

 

INAXIO (2015-II-13)

Doinua: “Esne zaltzailearena”

Azkoitiko urte osoko ekintzak prest!!!

Bi hilabetez proposamenak jaso eta hauek lantzen aritu ondoren, honako hau da mintzalgunek parte hartze prozesuaren ondorioz erabaki dutena:

 Eskerrik asko parte hartzeagatik eta denon artean erabakitako ekintzekin disfruta dezagun!!!!

Gozogintza saioa Astigarragan

Otsailaren 20an, ostirala, Zipotza elkartean gozogintza ikastaroa izango da mintzalagun eta gurasolagun guztientzat, arratsaldeko 17:30etatik aurrera.

Etorri eta goxo-goxo egongo gara!!!

II. Topaketa ere prest!!!!

Topaketa ederra Urola Kostan!!!!

Urtarrilaren 16an elkartu ziren Itsas Mendi elkartean! Mintzalagun bakoitzak etxetik eramandako mokadutxoarekin, berriketan egin eta elkar ezagutzeko aukera paregabea ederki aprobetxatu zuten!!!!

Datorren kantu afari-merienda otsailaren 13an izango da. Beraz, hor duzue plana!!!

Gaur, euskara praktikatu. Bihar euskaraz bizi.

Urola Kostako mintzalagunen 1. topaketa