2012/03/16

Pintxo lehiaketa Azkoitian


Martxoaren 30ean pintxo lehiaketa izango dugu Azkoitian. Arratsaldeko 18:30etan Elkarguneko sukaldean. Ondoren afari mundiala!

Pintxo lehiaketan parte hartzeko oinarriak honako huek dira:

  • Parte hartzaileak: mintzakide den edonork parte hartu dezake.
  • Taldeek 2-4 lagunekoak izan beharko dute.
  • Oinarrizko osagaiak (olioa, gatza eta ogia) guk jarriko ditugu. Gainontzeko osagaiak, talde bakoitzak ekarri beharko ditu.
  • Pintxoak Elkarguneko sukaldean presta daitezke edota etxetik aurreratuta ekarri. Etxean prestatzen hasitakoak, Elkargunean berotu eta azken ukituak emateko aukera izango da.
  • Talde bakoitzak bere sardexkak, labanak eta pintxoaren aurkezpena egiteko platerak ekarri beharko ditu.
  • Talde bakoitzak pintxo bakoitzeko 3 ale prestatuko ditu epaimahaikideentzat.
  • 20:00etan bilduko den epaimahaiak erabakiko du mintzalagun talde irabazlea. Beraz, ordurako pintxoek prest egon beharko dute.
  • Epaimahaiak pintxoen zaporea, originaltasuna eta aurkezpena baloratuko ditu.
  • Pintxoak ezkutuko zenbaki edota gaitzizenen bidez identifikatuko dira.
  • Elkarguneko sukaldea 18:30ean irekiko da.
  • Lehiaketan aritzeak oinarriak eta epaimahaiaren erabakiak onartzea dakar.

Pintxo lehiaketako zein afarirako izen emateko azken eguna martxoaren 23a, ostirala, da. Beraz, zuen parte hartzea baieztatzeko deitu AEKra: 943 15 10 89 /
607 612 697 ala idatzi mezua oihana-e@aek.org e-postara.

Anima zaitezte!

No comments:

Post a Comment