Pasa
den ostegunean, hilak 15, Mintzalagunen hasiera-ekitaldia izan genuen
Zumaiako Oxford aretoan. Lagun batzuk elkartu ginen Bakean
dagoenari bakean utzi
elkarrizketa ikusteko, eta mokadutxoa egiteko moduan ere izan ginen.
Askorako eman zuen saioak; barre egin genuen euskarakaden
kontura, baita geure buruaz ere.
Bertaratutakook aulkitik altxa gabe egon ginen adi-adi, irribarrea
ahoan; eta bukatutakoan, jan-edanaz ere gozatu genuen.
Partaideak
Ikasturtea nola hasi den ikusita ezin gara kexatu; izan ere, une honetan, 89 mintzalagun
ditugu Urola Kosta eskualdean. Baina izena eman nahi duenak badu aukerarik oraindik:
urolakosta@aek.eus helbidera
idatzita edo 625485215 telefono-zenbakira deitu.
No comments:
Post a Comment